Ontop dis edition of As E Dey Hot, wetin we yarn na di mata wey dey happen for obodo Nigeria wey President Buhari talk say many Nigerian youths dey lazy sake of say dem no ready to hustle and dem just wan siddon make food com meet dem.
As many pipo don com out for social media say, many naija youth no dey lazy atall, i dey hustle everyday to make my life better and i no dey thief na my hand i take dey bring food for my table. Oga Buhari go commonwealth meeting, na for di meeting dem com dey ask questions as to how dem take dey make their kontri grow.
Dis talk wey Presido talk don cause many katakata so tey people no fit sleep, some people com dey ask say where di work dey because dem don find am taya. if dem put people wey dey find work for road now ehn, e no go easy.